चिनियाँ टोलीले सुरुङभित्र ३ किलोमिटरसम्म खोज्दा पनि मानिस भेटिएनन् : प्रधानमन्त्री

काठमाडौँ । प्रधानमन्त्री बालेन्द्र शाहले रसुवाको माथिल्लो त्रिशूली–१ जलविद्युत् आयोजनाको सुरुङभित्र चिनियाँ विशेषज्ञ टोलीले करिब ३ किलोमिटरसम्म खोजी गर्दा पनि अहिलेसम्म मानिस फेला पार्न नसकेको बताएका छन् । भोटेकोशी बाढीपछि सामाजिक सञ्जालमार्फत दैनिक अपडेट दिँदै आएका प्रधानमन्त्री शाहले आइतबार राति साढे ८ बजे फेसबुकमार्फत आयोजनामा जारी खोज तथा उद्धारबारे जानकारी दिएका हुन्।

स्वतन्त्र ऊर्जा उत्पादकहरूको संस्था नेपाल इप्पानका अनुसार २१६ मेगावाट क्षमताको माथिल्लो त्रिशूली–१ आयोजनामा ठूलो संख्यामा मानिस सम्पर्कविहीन छन्। इप्पानको विवरणअनुसार आयोजनामा ५७६ जना सम्पर्कविहीन रहेको, २५४ जनाको उद्धार भइसकेको र करिब ३०० जना सुरुङभित्र फसेको जनाएको छ ।