काठमाण्डौँ । कोलम्बियाको पश्चिमी क्षेत्रमा गएको शक्तिशाली भूकम्पपछि खोज तथा उद्धार कार्य अझै जारी छ । भग्नावशेषमा फसेका मानिसहरूको खोजी तथा उद्धारका लागि उद्धारकर्मीहरू दिनरात परिचालन भइरहेका छन् ।

गत सोमबार बिहान ७ः३४ बजे पश्चिमी कोलम्बियामा ७.४ म्याग्निच्युडको शक्तिशाली भूकम्प गएको थियो । भूकम्पका धक्का पश्चिमी कोलम्बियाका सयौँ माइल टाढासम्म महसुस गरिएको थियो । भूकम्पपछि मंगलबार पनि पटक–पटक परकम्पहरू महसुस भएका थिए ।