नयाँ संसद भवन अझै अधुरै, कहाँ बस्छ प्रतिनिधि सभाको बैठक ?

काठमाडौँ । निर्माणाधीन नयाँ संसद भवनको मुख्य सभाकक्ष समयमै तयार हुन नसकेपछि प्रतिनिधि सभाका आगामी बैठकहरू सोही परिसरमा रहेको बहुउद्देश्यीय हल मा सञ्चालन गरिने भएको छ । नयाँ बानेश्वरस्थित संसद भवनमा आन्दोलनका क्रममा आगजनी भएपछि सिर्जना भएको बैठक कक्षको अभावलाई टार्न संघीय संसद सचिवालयले यो वैकल्पिक र अस्थायी व्यवस्था गरेको हो ।

सचिवालयका प्रवक्ता एकराम गिरीका अनुसार, सरकारले चैत १ गतेभित्र मुख्य सभाकक्ष हस्तान्तरण गर्ने लक्ष्य राखे पनि निर्माण कार्य सम्पन्न हुने अवस्था नदेखिएपछि शहरी विकास मन्त्रालय र निर्माण व्यवसायीसँगको समन्वयमा बहुउद्देश्यीय हललाई प्रयोगमा ल्याउन लागिएको हो । नवनिर्वाचित सांसदहरूको शपथ ग्रहण र संसदका केही प्रारम्भिक बैठकहरू यसै हलमा हुनेछन् ।

हाल बहुउद्देश्यीय हलको निर्माण कार्य अन्तिम चरणमा पुगेको र केही प्राविधिक काम मात्र बाँकी रहेकाले बैठक बस्न कुनै बाधा नपर्ने प्रवक्ता गिरीले स्पष्ट पार्नुभयो । मुख्य सभाकक्ष पूर्ण रूपमा तयार भएपछि मात्र बैठकहरू त्यहाँ स्थानान्तरण गरिनेछ । यसैगरी, राष्ट्रिय सभाको बैठक भने हाल सिंहदरबार परिसरकै कृषि समितिको पुरानो हलमा सञ्चालन भइरहेको छ ।

एक्सप्रेस

सम्बन्धित खबर

गृह मन्त्रालयले गर्‍यो ड्रोनको प्रयोगमा प्रतिबन्ध लगाउने निर्णय

काठमाडौँ । सुरक्षा व्यवस्था माथि चुनौती दिन सक्ने भन्दै गृह मन्त्रालयले ड्रोनको प्रयोगमा प्रतिबन्ध लगाउने निर्णय गरेको छ । गृह मन्त्रालयका प्रवक्ता एवं सहसचिव आनन्द काफ्लेले आगामी फागुनमा हुने प्रतिनिधिसभा सदस्य निर्वाचनमा ड्रोनको प्रयोगमा प्रतिबन...

निर्वाचनका लागि एकीकृत निर्वाचन सुरक्षा योजना–२०८२ स्वीकृत

काठमाडौं । फागुन २१ गते घोषणा गरिएको प्रतिनिधि सभाको निर्वाचनका लागि एकीकृत निर्वाचन सुरक्षा योजना–२०८२ स्वीकृत गरिएको छ । गृहमन्त्रीको अध्यक्षतामा आइतबार बसेको चारवटै सुरक्षा निकायसहितको बैठकले एकीकृत निर्वाचन स...

महाधिवेशन प्रतिनिधि छनौटको विषयमा एमाले नेताबीच कुटाकुट

सुनसरी । नेकपा एमाले सुनसरी क्षेत्र नम्बर–१ मा महाधिवेशन प्रतिनिधि छनौटको विषयलाई लिएर नेताहरूबीच कुटाकुट भएको छ । पूर्वमुख्यमन्त्री भीम आचार्यका निजी सचिव तथा एमाले सुनसरीका जिल्ला कमिटी सदस्य अनिल राजधाम...