सेयर बजार २६५० अंकमा झर्‍यो, कारोबार ३ अर्ब ७७ करोडमा सीमित

काठमाडौँ । शुक्रबार नेप्से परिसूचक ४.०५ अंकले घटेर २६५० अंकमा पुगेको छ । बजार दिनभर राताम्मे रहँदा कारोबार रकम पनि घटेर ३ अर्ब ७७ करोड रुपैयाँमा सीमित भयो । अघिल्लो दिन ४ अर्ब ६२ करोड रुपैयाँको कारोबार भएको थियो ।

आज ८६ कम्पनीको मूल्य बढ्दा १८४ कम्पनीको घट्यो र ६ कम्पनीको मूल्य स्थिर रह्यो । बैंकिङ, फाइनान्स, बीमा, होटल तथा जलविद्युत् समूहमा सामान्य गिरावट देखिएको छ भने उत्पादन तथा प्रशोधन, माइक्रोफाइनान्स र व्यापार समूहमा हल्का वृद्धि भएको छ । सबैभन्दा धेरै १ अर्ब ९९ करोड रुपैयाँको कारोबार हाइड्रोपावर समूहमा भयो । कारोबार रकमका आधारमा सोलु हाइड्रोपावर, रिडी पावर, सानिमा बैंक, खानीखोला हाइड्रोपावर र आँखुखोला जलविद्युत् अगाडि रहे ।