ललितपुरका सडक फूलले सजाइने

ललितपुर । केही वर्षअघिसम्म नक्खु उकालो हुँदै भैँसेपाटी सडक धुलो–धुवाँका कारण यात्रुका लागि दिक्कलाग्दो बनेको थियो । सडक कालोपत्र भएसँगै धुलोको समस्या हटेको उक्त क्षेत्रमा ललितपुर महानगरपालिकाले फूल रोप्ने योजना अघि सारेको छ ।

ललितपुर महानगरपालिकाले यसअघि पुल्चोक सडकखण्डमा विभिन्न प्रजातिका फूल रोपी सडकको सुन्दरता अभिवृद्धि गरिसकेको छ । महानगरका अनुसार यही अवधारणालाई विस्तार गर्दै भैँसेपाटीलगायत अन्य उपयुक्त सडक खण्डमा पनि फूल रोप्ने योजना बनाइएको हो । भैँसेपाटी क्षेत्रमा केही दिनभित्रै फूल रोप्ने काम सुरु गरिने महानगरले जनाएको छ ।