काठमाडौँ । नेपाली कांग्रेसले विगतमा कारबाही परेका आफ्ना नेता तथा कार्यकर्ताको निलम्बन फुकुवा गरेको छ । शनिबार बसेको पार्टीको केन्द्रीय कार्यसम्पादन समितिको बैठकले कारबाहीमा परेकाको बाँकी अवधि माफी मिनाहा गर्ने निर्णय गरेको हो । 

साथै बैठकले पार्टी परित्याग गरेकालाई घर फर्कन आह्वानसमेत गरेको छ । बैठकले अहिलेसम्म विशेष महाधिवेशनका बारेमा केही बोलेको छैन । कार्य सम्पादन समितिको बैठक आइतबार बिहान ११ बजे पार्टीको केन्द्रीय कार्यालयमा पुनः बस्नेछ ।