संघीय सत्ताबाट अपदस्त एमाले प्रदेशबाट पनि लखेटिँदै

काठमाडौँ । जेनजी आन्दोलनपछि केन्द्र सरकारबाट बाहिरिएको एमाले अब प्रदेश सरकारहरू पनि गुमाउने अवस्थातर्फ पुगेको छ । कांग्रेसले एमालेसँगको सहकार्य अन्त्य गर्दै नेकपासँग नयाँ सत्ता समीकरण बनाउन थालेपछि कर्णालीबाट सरकार परिवर्तनको प्रक्रिया सुरु भएको छ भने अन्य प्रदेशमा पनि नयाँ गठबन्धनको सम्भावना बढेको छ ।

एमालेले अहिले कोशी, लुम्बिनी र कर्णाली प्रदेशको नेतृत्व गरिरहेको छ । कांग्रेस–नेकपा समीकरण सफल भए यी प्रदेशहरूमा पनि एमाले सत्ताबाट बाहिरिन सक्छ । सुदूरपश्चिम र बागमतीमा पनि सत्ता फेरबदलका गतिविधि तीव्र बनेका छन् । यसबीच एमाले अध्यक्ष केपी ओलीले आवश्यक परे प्रदेश सरकारबाट हट्न तयार रहेको संकेत दिएका छन् । उनले तीन दल मिलेर सरकार सञ्चालन गर्नुपर्ने पक्षमा आफूहरू रहेको दोहोर्याउँदै परिस्थितिअनुसार प्रतिपक्षमा बस्न पनि तयार रहेको बताए ।

एक्सप्रेस

सम्बन्धित खबर

नक्कली भुटानी शरणार्थी प्रकरणमा पूर्वउपप्रधानमन्त्री रायमाझी र पूर्वगृहमन्त्री खाणसहित १४ जना दोषी ठहर