चुनावी मैदानमा हाम्रो लागि कोही पनि दुश्मन छैनन् : विश्वप्रकाश शर्मा

काठमाडौँ । नेपाली कांग्रेसका उपसभापति विश्वप्रकाश शर्माले आफ्नो पार्टी देश परिवर्तनको संकल्पमा रहेको बताएका छन्। शुक्रबार पोखरामा आयोजित चुनावी सभामा उनले चुनावी प्रतिस्पर्धालाई दुश्मनीको रूपमा नलिन सबैलाई आह्वान गरे ।

शर्माले भने,हामी देशलाई बदल्न चाहन्छौँ। त्यसकारण सबभन्दा पहिले राजनीतिलाई बदलौँ । नेपाली कांग्रेसले संकल्प गरेको छ( राजनीतिको शैली, संस्कार र दृष्टिकोण बदल्नुपर्छ। यस चुनावको मैदानमा हाम्रो लागि कोही पनि दुश्मन छैनन्।

निर्वाचनपछि सबै दलहरूले सत्तापक्ष र प्रतिपक्षमा रहँदै देशका लागि मिलेर काम गर्नुपर्ने भएकाले चुनावी मैदानमा गाली होइन, सहकार्य र प्रेमको सन्देश फैलाउनुपर्ने उनको भनाइ छ ।