तेहरान । स्ट्रेट अफ हर्मुज पार गर्ने प्रयासमा रहेका तीन वटा तेल ट्यांकरलाई इरानको इस्लामिक रिभोलुसन गार्ड कर्प्स आइआरजिसीले नियन्त्रणमा लिएको छ। नियन्त्रणमा लिने क्रममा तीमध्ये एउटा ट्यांकरमा विस्फोट भई आगलागी भएको इरानी पक्षले जनाएको छ ।

अमेरिकी सेनाकोउक्साहट र प्रलोभनमा परेर दक्षिणतर्फको मार्ग हुँदै जबर्जस्ती अघि बढ्न खोजेपछि ती ट्यांकरलाई रोकिएको इरानी सञ्चारमाध्यमहरूले उल्लेख गरेका छन्। इरानको पूर्वसहमति बिना जलमार्ग प्रयोग गर्न खोज्ने जुनसुकै जहाजले गम्भीर परिणाम भोग्नुपर्ने चेतावनी दिँदै इरानले अमेरिकाले सम्झौता विपरीत धोका दिएको आरोप लगाएको छ ।