नुवाकोट । रसुवाको माथिल्लो क्षेत्र भोटेकोशी हुँदै आएको त्रिशूली नदीको भीषण बाढीका कारण नुवाकोटको विदुर नगरपालिका १०, बेत्रावतीमा एक हृदयविदारक घटना सार्वजनिक भएको छ। बाढीले पुरेको एउटै घरभित्र लेदोले थिचिएको अवस्थामा २२ जनाको शव फेला परेको छ ।

बाढी आएको छैटौँ दिन सोमबार खोजी तथा उद्धारका क्रममा सुरक्षाकर्मीको टोलीले उक्त घरभित्र एकै ठाउँमा २२ वटा शव फेला पारेको हो । सोमबार टोलीले लेदो पन्छाएर ६ वटा शव बाहिर निकालेको छ भने बाँकी १६ वटा शव मंगलबार बिहान निकालिने भएको छ ।

बाढीको वितण्डा सुरु भएपछि ज्यान जोगाउन ती मानिसहरू सुरक्षित स्थान ठानेर सोही घरमा भेला भएको अनुमान गरिएको छ। धेरै दिनसम्म हिलो र लेदोमा पुरिएका कारण फेला परेका शवहरू पहिचान गर्नै नसकिने अवस्थामा पुगेका छन् ।