काठमाडौँ । गृह मन्त्रालयले १४ जिल्लाका प्रमुख जिल्ला अधिकारी सिडिओसहित सहसचिव र उपसचिव तहका २३ जना कर्मचारीको सरुवा तथा पदस्थापन गरेको छ । मन्त्रालयले भदौ १८ गतेको निर्णयअनुसार १४ जना सहसचिव र ९ जना उपसचिवको जिम्मेवारी हेरफेर गरेको हो ।

 यससँगै विभिन्न जिल्ला प्रशासन कार्यालय तथा मन्त्रालय मातहतका निकायहरूमा कार्यरत उच्च अधिकारीहरूको नयाँ पदस्थापन र काज सरुवा भएको छ । गृह मन्त्रालयका अनुसार शान्ति सुरक्षा, प्रशासनिक कार्यसम्पादन र सेवा प्रवाहलाई थप प्रभावकारी बनाउने उद्देश्यले १४ जिल्लाका प्रमुख जिल्ला अधिकारीहरू परिवर्तन गरिएको हो। सरुवा भएका कर्मचारीहरूलाई तत्काल नयाँ कार्यक्षेत्रमा खटिन निर्देशन दिइएको छ।