एमाले केन्द्रीय कमिटी बैठक : ओलीको राजनीतिक प्रतिवेदन सर्वसम्मतिले पारित

काठमाडौं। नेकपा एमाले केन्द्रीय कमिटीको तेस्रो बैठकको तेस्रो दिन अध्यक्ष केपी शर्मा ओलीले प्रस्तुत गरेको राजनीतिक प्रतिवेदन सर्वसम्मतिले पारित भएको छ। ललितपुरको भनिमण्डलस्थित रामबाग भवनमा जारी बैठकमा अध्यक्ष ओलीले प्रतिवेदनमाथि केन्द्रीय सदस्यहरूले राखेका धारणा तथा सुझावका सम्बन्धमा स्पष्ट पारेपछि प्रतिवेदन पारित गरिएको हो। बैठकमा पार्टी सचिवालयका सदस्यसहित केन्द्रीय कमिटीका सदस्यले आफ्ना धारणा र सुझाव प्रस्तुत गरेका थिए।

बैठकमा उपाध्यक्ष, महासचिव, उपमहासचिव, सचिव तथा आयोगका अध्यक्षसहित ठूलो संख्यामा केन्द्रीय सदस्यहरूले आ–आफ्ना धारणा र सुझाव प्रस्तुत गरेका थिए।