काठमाडौँ । सरकारले विद्युत् सेवामा लगाएको मूल्य अभिवृद्धि कर भ्याट साउन १ गतेदेखि मात्रै कार्यान्वयन हुने स्पष्ट पारेको छ । आन्तरिक राजस्व विभागले असार महिनामा खपत भएको बिजुलीको बिल साउनमा जारी भए पनि त्यसमा भ्याट नलाग्ने जनाएको हो ।

नेपाल विद्युत् प्राधिकरणले असार महिनाको विद्युत् बिलमा समेत भ्याट समावेश गरेपछि उपभोक्ताबाट गुनासो आएको थियो। त्यसपछि विभागले सोमबार सूचना जारी गर्दै कर लागू हुने समयबारे स्पष्ट पारेको हो।