काठमाडौँ । आज देशका विभिन्न भूभागको मौसम सामान्यतया बदली रहने जल तथा मौसम विज्ञान विभाग मौसम पूर्वानुमान महाशाखाले जनाएको छ । महाशाखाका अनुसार आज दिउँसो देशको हिमाली र पहाडी भूभागमा साधारणतया बादल लाग्नेछ भने तराई भूभागमा आंशिक बदलीको अवस्था रहनेछ ।

यसैगरी कर्णाली र सुदूरपश्चिम प्रदेशका साथै कोशी, बागमती र गण्डकी प्रदेशका हिमाली तथा पहाडी भूभागका थोरै स्थानहरूमा मेघगर्जन र चट्याङसहित मध्यम वर्षा र हिमपातको सम्भावना रहेको छ । तराई क्षेत्रतर्फ कोशी र लुम्बिनी प्रदेशका एक(दुई स्थानमा पनि वर्षाको योग देखिएको छ ।

आज रातिको मौसममा भने केही परिवर्तन आउने महाशाखाको पूर्वानुमान छ। रातिको समयमा देशको हिमाली भूभागमा साधारणतया बादल लागिरहे पनि पहाडी भू(भागमा आंशिक बदली मात्र हुनेछ भने तराई भू(भागमा मौसम मुख्यतया सफा रहनेछ ।