काठमाडौँ । उज्यालो नेपाल पार्टीका अध्यक्ष कुलमान घिसिङले ऊर्जा क्षेत्रमा आफूले गरेको काम नेपालका लागि सफल मोडेल बनेको दाबी गरेका छन् ।

मंगलबार काठमाडौँमा आयोजित उज्यालो नेपाल काठमाडौँ रामेछाप मञ्च गठन कार्यक्रममा अध्यक्ष घिसिङले मुलुकलाई आर्थिक रूपमा आत्मनिर्भर बनाउँदै घरघरमा रोजगारी सिर्जना गर्ने पार्टीको प्रतिबद्धता व्यक्त गरे ।

उनले मुलुकलाई कृषि, खानेपानी र रोजगारी क्षेत्रमा आत्मनिर्भर बनाउन आवश्यक रहेको भन्दै, आसन्न प्रतिनिधि सभा सदस्य निर्वाचनमा उज्यालो नेपाल पार्टीलाई मतदान गर्न जनता माझ आह्वान गरे । अध्यक्ष घिसिङले भने, हामी ऊर्जा क्षेत्रमा आत्मनिर्भरता हासिल गर्न सफल भएका छौँ, तर क्षेत्र अझै कमजोर अवस्थामा छ। मुलुकको समग्र विकासका लागि रोडम्यापसहित छिट्टै पार्टीको घोषणा पत्र पनि सार्वजनिक गर्नेछौँ ।