किन पढ्ने ? गिरीको पुस्तक "शैव दर्शन, संस्कृति र दशनामी संन्यासी "

सांस्कृतिक अभियान्ता हिमाल गिरीद्वारा लिखित तथा नेपाल प्रज्ञा प्रतिष्ठानद्वारा प्रकाशित शैव दर्शन , संस्कृति र दशनामी संन्यासी " पुस्तक सांस्कृतिक ज्ञानको अत्यन्त पठनिय रहेको पाठकहरूबाट प्रतिक्रिया आएका छन् ।

हिन्दुधर्ममा आस्था राख्नेहरूको मुख्य दुई सम्प्रदाय हुन्छन् जसमा शैव र बैष्णव पर्दछन् ऐतिहासिक रूपमा हिन्दु धर्ममा शिव सबैभन्दा ठुला देवता मानिन्छन् र शैव सम्प्रदाय यीनै शीवमार्गीहरूको समुदाय हुन् । यो पुस्तक यही समुदायका बारेमा लेखिएको ऐतिहासिक अनुसन्धानमूलक पुस्तक हो । जसमा दशनामी संन्यासीहरू ( गिरी,पुरी,भारती, वन, पर्वत,सागर, सरस्वती, आश्रम, आरण्य तीर्थ) को बारेमा व्याख्या गरिएको छ साथै संन्यास कर्म विधि , नेपाल तथा भारतमा रहेका संन्यासीहरूको धार्मिक अखडा , मठ , पिठ, आदिको बारेमा गहिरो रुपमा अनुसन्धान गरिएको पाइन्छ। नेपालमा ७७ जिल्लामा रहेका दशनामी संन्यासीहरूको विवरण सहित परम्परागत ऐतिहासिक रूपमा कसरी यो नाम रहन गयो आदि पुस्तकममा प्रस्तुत गरिएका छन् ।