तिहार शुरु भएसँगै बढ्यो फूलको किनबेच, पुष्प व्यवसायमा नेपाल आत्मनिर्भर हुँदै

काठमाडौँ । नेपालीहरूको दोस्रो ठूलो चाड तिहार शुरु भएसँगै फूलको किनबेच ह्वात्तै बढेको छ । फूल र रङको पर्वका रूपमा रहेको तिहारमा पूजाआजादेखि विभिन्न सामाजिक कार्यसम्म फूलको प्रयोग बढी हुने गर्छ ।नेपाल फ्लोरिकल्चर एसोसिएसनका अध्यक्ष राजेशभक्त श्रेष्ठका अनुसार २०५० सालको दशकपछि व्यावसायिक रूप लिएको फूलखेतीमा नेपाल पछिल्लो समय आत्मनिर्भर हुँदै गएको छ । छोटो समयमा मनग्य आम्दानी हुने भएकाले तिहारलक्षित सयपत्री र मखमलीको व्यावसायिक खेती गर्नेको सङ्ख्या बढ्दो छ ।