दिउँसो १ बजेसम्म खस्यो ४४ लाख ५५ हजार मत

काठमाडौँ । देशभर जारी मतदानमा मतदाताको उत्साहजनक सहभागिता देखिएको छ । बिहीबार बिहान ७ बजेबाट सुरु भएको मतदान प्रक्रियामा दिउँसो १ बजेसम्म कुल ४४ लाख ५५ हजार ७९० मत खसेको छ । निर्वाचन आयोगको पछिल्लो तथ्याङ्क अनुसार यो देशभरको कुल मतदाता संख्याको करिब २४ प्रतिशत हो ।

सबैभन्दा बढी मतदान काठमाडौं उपत्यकामा भएको छ । उपत्यकाका काठमाडौं, भक्तपुर र ललितपुर गरी तीन जिल्लामा औसत ३६ प्रतिशत मत खसिसकेको छ। काठमाडौं जिल्लामा मात्रै ४१ प्रतिशत मत खसेको देखिएको छ । जुन अहिलेसम्मकै उच्च हो।

प्रदेशगत आधारमा हेर्दा कर्णाली प्रदेशमा ३१ प्रतिशत र लुम्बिनीमा २६ प्रतिशत मतदान भएको छ । यस्तै सुदूरपश्चिममा २५, कोशीमा २३ र मधेश प्रदेशमा २० प्रतिशत मत खसेको छ । बागमती प्रदेशमा भने तुलनात्मक रूपमा कम अर्थात् १९ प्रतिशत मात्र मतदान भएको छ । अहिले देशभरका १६५ वटा निर्वाचन क्षेत्रका १० हजार ९६७ मतदान स्थलमा मतदान प्रक्रिया शान्तिपूर्ण रूपमा जारी छ ।