देउसी-भैलोका नाममा अमर्यादित गतिविधि गरे कारबाही हुनेछ : गृहमन्त्री

काठमाडौँ । चाडपर्वका नाममा हुने अश्लील तथा विकृत गतिविधि नियन्त्रण गर्न सरकार पूर्ण रूपमा प्रतिबद्ध रहेको गृहमन्त्री सुदन गुरुङले बताएका छन्। गृहमन्त्री गुरुङले मंगलबार साँझ सामाजिक सञ्जाल फेसबुकमार्फत एक सन्देश जारी गर्दै मौलिक परम्परा र सांस्कृतिक मर्यादामा आँच आउने गरी देउसी–भैलो खेल्ने क्रममा हुने जुनसुकै अमर्यादित गतिविधिलाई कानुनबमोजिम नियन्त्रण गरिने स्पष्ट पारेका छन्। चाडपर्वको अवसरमा हुन सक्ने अश्लील एवं विकृत क्रियाकलापप्रति गृह मन्त्रालय गम्भीर रहेको उनले उल्लेख गरेका छन्।

हाम्रो मौलिक परम्परा र सांस्कृतिक मर्यादालाई आँच आउने गरी देउसी–भैलो मनाउने क्रममा हुने अमर्यादित क्रियाकलापलाई कानुनबमोजिम निर्ममतापूर्वक नियन्त्रण गरिने प्रतिबद्धता गृहमन्त्रीले व्यक्त गरेका छन्।