खाडी देशहरूमा आक्रमण सुरु, अबुधाबीमा एकको मृत्यु, लाखौं नेपाली खतरामा

काठमाडौँ । इजरायलले शनिबार बिहान इरानको राजधानी तेहरान सहित धेरै शहरहरूमा आक्रमण गरेको थियो । प्रतिक्रियामा इरानले इजरायल विरुद्ध बदला लिने हमला गरेको छ । मिडिया रिपोर्टका अनुसार इरानले बदलामा लगभग ४०० वटा मिसाइल प्रहार गरेको छ ।

इजरायलका साथै, इरानले कतार, बहराइन, युएई, साउदी अरेबिया र कुवेतमा रहेका अमेरिकी अड्डाहरूमा पनि आक्रमण गरेको छ। इजरायलले इरानको गुप्तचर मन्त्रालय, रक्षा मन्त्रालय, सर्वोच्च नेता खामेनीको कार्यालय र इरानको आणविक ऊर्जा संगठनलाई निशाना बनाएको छ। आक्रमणपछि खामेनीलाई सुरक्षित स्थानमा सारिएको छ ।

खाडी देशहरूमा लाखौं नेपाली बस्छन् । साउदीमा ५ लाखभन्दा बढी, युएइमा ३ लाखभन्दा बढी, कतारमा ४ लाखभन्दा बढि र कुनेतमा करिब १ लाख नेपाली रहेको अनुमानित तथ्यांक छ । इरानले इजरायलको छिमेकी बहराइनमा रहेको अमेरिकी सैन्य अड्डा र कतारमा रहेको अमेरिकाको अल उदेइद हवाई अड्डामाथि पनि धेरै क्षेप्यास्त्र प्रहार गरेको छ । कतारमाथि इरानी क्षेप्यास्त्र रोकियो। कतारको रक्षा मन्त्रालयले आफ्नो प्याट्रियट प्रतिरक्षा प्रणालीले इरानी क्षेप्यास्त्र रोकेको बताएको छ । सुरक्षा चिन्ताका कारण मध्य पूर्वमा धेरै अन्तर्राष्ट्रिय उडानहरू रद्द गरिएका छन् र धेरै देशहरूले आफ्नो हवाई क्षेत्र बन्द गरेका छन्।