काठमाडौँ । सरकारले साउन महिनादेखि ट्रायल पास गरेको २४ घण्टाभित्रै सवारी चालक अनुमतिपत्र लाइसेन्स उपलब्ध गराउने व्यवस्था लागू गर्ने तयारी गरेको छ । भौतिक पूर्वाधार तथा यातायात मन्त्रालय का अनुसार हाल झण्डै ३० लाख लाइसेन्स छपाई हुन बाँकी रहेकाले सुरुमा ती सबै लाइसेन्स छापेर वितरण गरिनेछ । त्यसपछि नयाँ लाइसेन्स २४ घण्टाभित्रै वितरण गर्ने प्रणाली कार्यान्वयनमा ल्याइनेछ ।

सरकारले असार महिनाभित्र हालसम्म छाप्न बाँकी रहेका सबै लाइसेन्स छपाइ सम्पन्न गर्ने लक्ष्य लिएको छ। पछिल्लो समय लाइसेन्स छपाई कार्यमा तीव्रता आएको मन्त्रालयले जनाएको छ ।