‘पाँच पाण्डव’ को प्रदर्शन रोक्न गृह मन्त्रालयको निर्देशन

‎‎काठमाडौँ । आउँदो शुक्रबारदेखि प्रदर्शनमा आउन लागेको चलचित्र ‘पाँच पाण्डव’ रोक्नलाई गृह मन्त्रालयले निर्देशन दिएको छ । गृह मन्त्रालयले संचार मन्त्रालयलाई निर्देशन दिएको र सञ्चार मन्त्रालयले मौखिक जानकारी दिएको निर्माण टिमका एक सदस्यले बताए । ‎निर्माण टिमका एक सदस्यका अनुसार बाँके जिल्लाका सिडिओ दिलकुमार तामाङले प्रदर्शन रोक्नका लागि गृह मन्त्रालयलाई पत्राचार गरेका थिए ।

ती सदस्यले भने, ‘बाँके जिल्लाको सिडिओले गृह मन्त्रालयलाई प्रदर्शन रोक्नलाई पत्राचार गरेको रहेछ । बाँके जिल्ला प्रशासनमा केही व्यक्तिहरू आएर प्रदर्शन रोक्न लगाएका रहेछन् ।’ ‎चलचित्रले महाभारतको गलत व्याख्या गरेको र द्रौपदीलाई आइटम गीत नचाएको भनेर सामाजिक संजालमा विवाद भइरहेको थियो । तर, चलचित्रले धार्मिक सहिष्णुता भड्काउने कोसिस नगरेको भनेर निर्माण टिमले सार्वजनिक रूपमा भनिसकेको छ ।