चक्रवाती आँधी ‘अर्नब’को प्रभाव : सरकारद्वारा उच्च सतर्कता, पदयात्रा र उडानमा विशेष सजगता अपनाउन आग्रह

काठमाडौँ । भारतको आन्ध्र प्रदेश र विशाखापटनम आसपास प्रभाव पार्ने अनुमान गरिएको चक्रवाती आँधी ‘अर्नब’को सम्भावित असरलाई मध्यनजर गर्दै सरकारले जोखिम न्यूनीकरण, जनधनको रक्षा र अत्यावश्यक सेवाहरूको चुस्त सञ्चालनका लागि मातहतका सम्पूर्ण निकायलाई उच्च सतर्कतामा राखेको छ।

नेपाल आइपुग्दासम्म यो चक्रवात कमजोर हुने आँकलन गरिएकाले अत्यधिक तीव्र हावाहुरीको जोखिम कम भए पनि वर्षा, हिमपात र केही स्थानमा हावाहुरीको सम्भावना भने यथावत् रहेको मौसमविद्हरूले बताएका छन् । सम्भावित मौसमी जोखिमबाट सर्वसाधारणलाई सुरक्षित राख्न सुरक्षा निकायहरूले विभिन्न स्थानमा माइकिङमार्फत जनचेतना फैलाइरहेका छन् ।