डाक्टरमाथि कुटपिट र दुर्व्यवहारको विरोधमा चिकित्सक संघद्वारा आज देशभर आकस्मिक बाहेकका सेवा ठप्प

काठमाडौँ । चिकित्सक तथा स्वास्थ्यकर्मीहरूमाथि राज्यले दमन गरेको भन्दै विरोधस्वरूप नेपाल चिकित्सक संघले आज देशभरका अस्पतालहरूमा आकस्मिक बाहेकका सम्पूर्ण सेवा बन्दको घोषणा गरेको छ । संघको यस निर्णयसँगै आज देशैभरका अस्पतालहरूमा बहिरङ्ग ओपिडी लगायतका गैर आकस्मिक सेवाहरू पूर्ण रूपमा प्रभावित हुने भएका छन् ।

गत साउन ९ गते वीरगञ्जस्थित नारायणी अस्पतालमा कार्यरत चिकित्सक डा प्रमोद रामको टाउकोमा गम्भीर चोट लाग्ने गरी भएको सांघातिक आक्रमण र अस्पताल तोडफोडको घटनापछि संघले दोषीहरूलाई कडा कारबाहीको माग गर्दै आएको थियो। संघले उक्त आक्रमणमा संलग्न व्यक्तिहरूलाई स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन २०६६ ९पहिलो संशोधन० बमोजिम कडा कारबाही गर्न माग गरेको छ ।