एकैदिन ५६ व्यावसायिक फर्ममा अनुगमन

काठमाडौँ । वाणिज्य, आपूर्ति तथा उपभोक्ता संरक्षण विभागले बुधबार काठमाडौंका विभिन्न स्थानमा एकैदिन ५६ वटा व्यावसायिक फर्ममा अनुगमन गरेको छ । खाद्य पदार्थ तथा अन्य दैनिक उपभोग्य वस्तु बिक्री–वितरण गर्ने फर्म, पसल तथा व्यावसायिक प्रतिष्ठानहरूमा विभागले स्थलगत अनुगमन गरी आवश्यक कारबाहीको दायरामा ल्याइएको जनाएको छ ।

विभागले जारी गरेको विज्ञप्तिअनुसार ५६ वटा व्यावसायिक फर्ममा अनुगमन गरी सुधारात्मक निर्देशन दिइएको छ । अनुगमनका क्रममा पसलहरूले बिल–बीजक दिएनदिएको, उपभोक्ताले सजिलै देख्ने गरी मूल्यसूची राखे–नराखेको तथा कानुनअनुसार तिर्नुपर्ने कर तथा अन्य दायित्व पूरा गरे–नगरेको विषयमा विशेष ध्यान दिइएको जनाइएको छ । विभागले उपभोक्ता अधिकार सुनिश्चित गर्न यस्ता अनुगमनलाई निरन्तरता दिने जनाएको छ ।