मन्त्री घिसिङद्वारा नारायणीको सिग्नेचर पुल निर्माणस्थल अनुगमन

काठमाडौँ । यातायात तथा भौतिक पूर्वाधारमन्त्री कुलमान घिसिङले चितवनको भरतपुरस्थित नारायणी नदीमा निर्माण हुन लागेको सिग्नेचर पुल निर्माणस्थलको अनुगमन गरेका छन् । मन्त्री घिसिङ शनिबार बिहानै चितवन पुगेर पुल निर्माणस्थलको अनुगमन गरेका हुन् ।

उनलाई भरतपुर महानगरका मेयर रेणु दाहाल र त्यहाँका कर्मचारीहरूले त्यसबारे जानकारी दिएका छन् । भौतिक पूर्वाधार तथा यातायात, सहरी विकास एवं ऊर्जामन्त्री घिसिङ शुक्रबार रौतहट पुगेका थिए । रौतहटको चन्द्रपुर नगरपालिका–३ स्थित चाँदीनदीमा रहेको अलपत्र पुलको अनुगमन गर्दै उनले ठेकेदारले निर्धारित समयमा काम सक्नुपर्नेमा जोड दिएका थिए ।

उनी त्यहाँबाट चितवन पुगेका हुन् ।