काठमाण्डौँ । नेपाल माइक्रो इन्स्योरेन्स कम्पनीका अध्यक्ष आशिष श्रेष्ठ पक्राउ परेका छन् । मंगलबार नेपाल प्रहरीको केन्द्रीय अनुसन्धान ब्युरोले अध्यक्ष श्रेष्ठलाई कागेश्वरी मनहरा नगरपालिकाबाट पक्राउ परेको हो । उनलाई बिमा सम्बन्धी कसुरमा पक्राउ गरिएको ब्युरोका प्रवक्ता शिवकुमार श्रेष्ठले जानकारी दिए । 

बिमा सम्बन्धी छानबिन प्रतिबेदनका आधारमा उनलाई पक्राउ गरिएको जनाएको छ । नेपाल बिमा प्राधिकरणले छानबिन प्रतिवेदन केन्द्रीय अनुसन्धान ब्युरोलाई पठाएको थियो । छानबिन प्रतिवेदनमा नेपा माइक्रो इन्स्योरेन्स कम्पनीका अध्यक्ष श्रेष्ठको पनि संलग्नता देखिएकोले अनुसन्धानका लागि पक्राउ गरिएको प्रवक्ता श्रेष्ठले बताए ।