तीजमा पशुपति क्षेत्रको सुरक्षामा २५ सय प्रहरी परिचालन गरिने

काठमाडौँ । प्रहरीले हरितालिका तीजको अवसरमा पशुपतिनाथ मन्दिर परिसरमा सुरक्षा चुस्त बनाउने गरी सुरक्षा कार्ययोजना तयार गरेको छ । सोमबार पशुपतिनाथ मन्दिर तथा आसपासका क्षेत्रमा दर्शनार्थीको भीड हुने हुनाले जिल्ला प्रहरी परिसर काठमाडौँले सुरक्षा रणनीति तयार गरेर लागु गरेको हो।

पशुपति मन्दिर क्षेत्रमा सुरक्षाका लागी दुई सिफ्टमा सोमबार २ हजार ५ सय प्रहरी परिचालन गरिने जिल्ला प्रहरी परिसर काठमाडौँका एसपी दान बहादुर थापाले रातोपाटीलाई बताए ।

मन्दिर परिसरमा सुरक्षा नेतृत्व डीएसपीले गर्नेछन्। मन्दिर क्षेत्रमा आइतबार कमान्ड पोस्ट स्थापना गरेर सुरक्षा व्यवस्थापन तथा प्रहरी परिचालनको प्रभावकारी अनुगमन, निर्देशन र समन्वयको व्यवस्था मिलाइएको एसपी थापाले बताए ।