कवि तेजप्रकाश श्रेष्ठको नयाँ कृति ‘जाँगरको कल्पवृक्ष’ सार्वजनिक

काठमाडौँ। अग्रज साहित्यकार तथा कवि तेजप्रकाश श्रेष्ठको नयाँ कवितासङ्ग्रह ‘जाँगरको कल्पवृक्ष’ सार्वजनिक गरिएको छ । ठमेलस्थित चिवहालमा आयोजित कार्यक्रममा भुवनहरि सिग्देल, श्रीओम श्रेष्ठ ‘रोदन’, प्रा।डा। कपिल लामिछाने, छविरमण सिलवाल, प्रदीप सापकोटा र कृतिकार श्रेष्ठले संयुक्त रूपमा कृतिको लोकार्पण गरेका हुन् ।

वक्ताहरूले श्रेष्ठको साहित्य, नियात्रा र संस्कृतिमा रहेको योगदानको प्रशंसा गर्दै कृतिमा समसामयिक विषय, मानवीय संवेदना, द्वन्द्व, प्रकृतिप्रेम तथा सांस्कृतिक चेतना समेटिएको बताएका थिए । सुनकोशी वाङ्मय प्रतिष्ठानद्वारा प्रकाशित उक्त कृतिको कार्यक्रममा विभिन्न कविहरूले कविता वाचनसमेत गरेका थिए ।