१५औं महाधिवेशन तयारी तीव्र : देउवा समूहद्वारा हालसम्म २६ जिल्लामा अधिवेशन सकियो

काठमाडौँ । नेपाली कांग्रेसको शेरबहादुर देउवा समूहले १५औँ महाधिवेशनअन्तर्गत हालसम्म २६ जिल्लामा अधिवेशन सम्पन्न भएको जानकारी दिएको छ। मङ्गलबार चुनदेवीस्थित सम्पर्क कार्यालयमा पत्रकार सम्मेलनको आयोजना गर्दै नेता डा। प्रकाशशरण महतले अधिवेशनको प्रगति विवरण सार्वजनिक गरेका हुन्।

पत्रकार सम्मेलनमा दिइएको जानकारी अनुसार हालसम्म २६ वटा जिल्लामा नयाँ नेतृत्व चयन भइसकेको छ भने थप सात जिल्लामा अधिवेशनको उद्घाटन भइसकेको छ। त्यस्तै आगामी कात्तिक २२ गतेभित्र देशैभरका सबै जिल्लाहरूको अधिवेशन सम्पन्न गर्ने गरी आन्तरिक तयारी तीव्र पारिएको छ।