दलीय गतिविधिमा सक्रिय मन्त्रीलाई राजीनामा दिन प्रधानमन्त्री कार्कीको आग्रह

काठमाडौँ । प्रधानमन्त्री सुशीला कार्कीले राजनीतिक दलमा आबद्ध भई सक्रिय रहेका तथा चुनाव लड्ने तयारीमा रहेका मन्त्रीलाई राजीनामा दिन आग्रह गरेकी छन् । सोमबार बसेको मन्त्रिपरिषद् बैठकमा अनौपचारिक छलफल गर्दै प्रधानमन्त्री कार्कीले सरकार गैरदलीय भएकाले सार्वजनिक रूपमा उठेका प्रश्नप्रति ध्यान दिनुपर्ने बताउँदै दलीय गतिविधिमा संलग्न मन्त्रीले राजीनामा दिएर सहयोग गर्न अनुरोध गरेको बैठकमा सहभागी एक मन्त्रीले बताए ।

हाल ऊर्जामन्त्री कुलमान घिसिङ र खेलकुदमन्त्री बब्लु गुप्ता रास्वपाको गतिविधिमा संलग्न रहेको तथा सञ्चारमन्त्री जगदीश खरेलले पनि चुनाव लड्ने चाहना सार्वजनिक गरिसकेको बताइएको छ।