रास्वपा सहमहामन्त्री आचार्यले लिए समानुपातिक सूचीबाट नाम फिर्ता

काठमाडौँ । राष्ट्रिय स्वतन्त्र पार्टी रास्वपाका सहमहामन्त्री विपिन कुमार आचार्यले समानुपातिक उम्मेदवारको सूचीबाट आफ्नो नाम फिर्ता लिएका छन् । समानुपातिकतर्फ इच्छा जाहेर गर्नेहरूको सङ्ख्या बढेपछि पार्टीका अन्य गतिविधिमा सक्रिय हुने उद्देश्यले आचार्यले नाम फिर्ता लिएको एक नेताले बताए । आचार्यलाई खस आर्य समूहअन्तर्गत समानुपातिकतर्फ पहिलो नम्बरमा सिफारिस गरिएको थियो ।

रास्वपामा समानुपातिक सूचीबाट नाम फिर्ता लिने क्रम जारी रहेको छ । यसअघि डा अरनिको पाँडे, टासी शेर्पा, त्रिशला गुरुङ, आसिफ साह, सचिन ढकाल, महेन्द्र लावती, मिलन लिम्बू, सिर्जना ओली सिर्जु, मोहना अन्सारी, साजन विक र सुदेश गुरुङले पनि नाम फिर्ता लिइसकेका छन् ।

निर्वाचन कार्य तालिकाअनुसार दलहरूले यही पुस १३ र १४ गते समानुपातिक उम्मेदवारको सूची निर्वाचन आयोगमा बुझाएका थिए । सूची अध्ययनपछि आयोगले आइतबार देखिएका त्रुटि सच्याउन दलहरूलाई निर्देशन दिएको छ ।