चिकित्सकको आन्दोलन जारी, आज पनि आकस्मिकबाहेकका सबै सेवा बन्द

काठमाण्डौँ । नेपाल चिकित्सक सङ्घले नारायणी अस्पतालमा चिकित्सकमाथि भएको आक्रमण र तोडफोडका दोषीलाई कारबाही गर्न सरकारले उदासीनता देखाएको भन्दै देशभर आकस्मिकबाहेकका सबै स्वास्थ्य सेवा बन्द गरेको छ । घटनाको चार दिन बितिसक्दा पनि दोषी पक्राउ नपरेको र न्याय माग्न गएका चिकित्सकमाथि दुर्व्यवहार भएको भन्दै सङ्घले यसलाई लज्जास्पद ठहर गरेको छ ।

आन्दोलनका क्रममा आज चिकित्सकहरूले माइतीघर मण्डलामा विरोध प्रदर्शन गर्ने र उपत्यका बाहिरकाले जिल्ला प्रशासन कार्यालयमा ज्ञापनपत्र बुझाउने तथा स्वास्थ्य संस्थामा धर्ना दिने कार्यक्रम छ ।

काठमाडौँ । नेपाल चिकित्सक सङ्घले आज पनि देशभरका अस्पतालहरूमा आकस्मिक बाहेकका सबै सेवा बन्द गरेको छ । वीरगञ्जस्थित नारायणी अस्पतालमा कार्यरत चिकित्सक तथा स्वास्थ्यकर्मीमाथि भएको साङ्घातिक आक्रमण र अस्पतालमा गरिएको तोडफोडका दोषीहरूलाई कानुनी कारबाही गर्न सरकारले उदासीनता देखाएको भन्दै सङ्घले देशभरका स्वास्थ्य सेवा ठप्प पारिएको हो ।