डलरको मूल्यमा नयाँ रेकर्ड, अन्य विदेशी मुद्राको भाउ पनि बढ्यो

काठमाडौँ । नेपाल राष्ट्र बैंकले बुधबारका लागि विदेशी मुद्राहरूको आधिकारिक विनिमयदर सार्वजनिक गरेको छ ।

केन्द्रीय बैंकले निर्धारण गरेको नयाँ दरअनुसार आज अमेरिकी डलर एकको खरिददर १५२ रुपैयाँ ७१ पैसा र बिक्रीदर १५३ रुपैयाँ ३१ पैसा कायम भएको छ। यस्तै युरोपियन युरोको मूल्यमा पनि बढोत्तरी देखिएको छ, जसको खरिददर १७९ रुपैयाँ ३१ पैसा र बिक्रीदर १८० रुपैयाँ ०२ पैसा तोकिएको छ। युके पाउण्ड स्ट्रलिङको बिक्रीदर २०७ रुपैयाँ ५३ पैसा रहँदा स्वीस फ्रयाङ्कको बिक्रीदर १९६ रुपैयाँ ३० पैसा पुगेको छ।

अन्य प्रमुख मुद्राहरूमा अष्ट्रेलियन डलरको बिक्रीदर ११० रुपैयाँ ७८ पैसा, क्यानेडियन डलरको १११ रुपैयाँ ८२ पैसा र सिङ्गापुर डलरको १२० रुपैयाँ ४९ पैसा कायम गरिएको छ। छिमेकी मुलुक चीनको मुद्रा युआन एकको बिक्रीदर २२ रुपैयाँ ५७ पैसा तोकिएको छ भने १० जापानी येनको बिक्रीदर नौ रुपैयाँ ७३ पैसा रहेको छ।