काठमाडौँ । वर्ष २०८२ नेपाली चलचित्र उद्योगका लागि समग्रमा सफल वर्ष बनेको छ । चलचित्र विकास बोर्डका अनुसार गत वर्ष ५७ नेपाली चलचित्र प्रदर्शन भए । बक्सअफिस तथ्याङ्कअनुसार परान ले घरेलु बजारमा १७ करोड ७६ लाख रुपैयाँभन्दा बढी कमाउँदै शीर्ष स्थान हासिल गरेको छ ।

दोस्रो स्थानमा आ बाट आमा र तेस्रोमा जेरी अन टप रहेका छन् । त्यसैगरी उनको स्वीटर चौथो स्थानमा रहँदा सूचीमा ‘जारी २’, ‘बलिदान’, ‘मोहर’, ‘हरिबहादुरको जुत्ता’, ‘माग्ने राजा’ र ‘माइतीघर’ पनि शीर्ष १० मा परेका छन् । कुल मिलाएर गत वर्ष नेपाली चलचित्रमा स्टार कलाकारसँगै कथावस्तुमा आधारित फिल्महरूले राम्रो व्यापार गरेको विश्लेषकहरूको भनाइ छ ।