इरान तनावबीच ट्रम्प प्रशासनद्वारा सेना प्रमुख र महान्यायाधिवक्ता बर्खास्त

काठमाडौँ । डोनाल्ड ट्रम्प नेतृत्वको अमेरिकी प्रशासनमा इरानसँगको बढ्दो तनाव र आन्तरिक राजनीतिक दबाबका बीच व्यापक हलचल देखिएको छ। अमेरिकी सञ्चारमाध्यमहरूका अनुसार ट्रम्पले प्रशासनभित्र ‘सफाइ’ अभियान तीव्र बनाएका छन् । इरानसँगको तनाव चर्किंदै जाँदा ट्रम्पले आफ्नै विश्वासपात्र उच्च अधिकारीहरूलाई समेत पदमुक्त गर्न थालेका छन्। द एटलान्टिकका अनुसार अबको निशानामा काश पटेल र तुलसी गबार्ड पर्न सक्ने संकेत गरिएको छ ।

रक्षा मन्त्री पीट हेगसेथले र्‍यान्डी जर्जलाई अनिवार्य अवकाश लिन निर्देशन दिएका छन् । उनको स्थानमा क्रिस्टोफर ला नेभले कार्यवाहक प्रमुखको जिम्मेवारी सम्हाल्ने बताइएको छ । यसैगरी, महान्याधीवक्ता प्याम बन्डीलाई पनि पदबाट हटाइएको जनाइएको छ । ‘एपस्टाइन फाइल्स’ सम्बन्धी मुद्दा प्रभावकारी रूपमा अगाडि नबढाएको र महत्त्वपूर्ण तथ्य सार्वजनिक नगरेको आरोप उनीमाथि लगाइएको छ ।