चालीस माइक्रोनभन्दा पातला प्लास्टिक झोला बिक्रीमा पूर्ण रोक

काठमाडौँ । वाणिज्य, आपूर्ति तथा उपभोक्ता संरक्षण विभागले वातावरण प्रदूषण नियन्त्रण गर्ने उद्देश्यका साथ प्लास्टिक तथा प्लास्टिकजन्य वस्तुको बिक्री वितरणमा निगरानी बढाएको छ। विभागले पछिल्लो पटक उपत्यकाका विभिन्न १९ वटा प्लास्टिक उद्योग, आयातकर्ता र पसलहरूमा एकैसाथ अनुगमन गरी मापदण्डविपरीतका सामग्री जफत र निर्देशन जारी गरेको हो ।

४० माइक्रोनभन्दा कमका प्लास्टिक प्रतिबन्ध अनुगमनका क्रममा विभागले ४० माइक्रोनभन्दा कम मोटाइका प्लास्टिक झोलाहरू स्वास्थ्य र वातावरणका लागि हानिकारक भएको भन्दै तिनको उत्पादन र बिक्री वितरण नगर्न कडा निर्देशन दिएको छ। विभागले निरुज प्लास्टिक उद्योग, एमएन प्लास्टिक उद्योग, नेसनल प्लास्टिक इन्डस्ट्रिज, कुँवर फर्निचर उद्योग, दीक्षा स्टोर, पशुपतिनाथ इन्टरप्राइजेज र युनिभर्सल ट्रेडरर्सलगायतका संस्थाहरूलाई सुधारात्मक निर्देशन दिएको छ ।

• शुक्र, २५ पुस २०८२