लेखजङ्ग थापाको ५० हजार भन्दा बढी मतान्तरको रेकर्ड

काठमाडौँ । रुपन्देही निर्वाचन क्षेत्र नम्बर ३ बाट राष्ट्रिय स्वतन्त्र पार्टी रास्वपाका उम्मेदवार डा लेखजङ्ग थापा प्रतिनिधिसभा सदस्यमा निर्वाचित भएका छन् । मुख्य निर्वाचन अधिकृत अशोककुमार बस्नेतका अनुसार थापाले अत्यन्तै फराकिलो मतान्तरले जित हासिल गरेका हुन्। उनले कुल ५८ हजार ८१४ मत प्राप्त गरी विजयी बनेका छन् ।

उनका निकटतम प्रतिस्पर्धी नेपाली कांग्रेसका सुशील गुरुङले ८ हजार ४३५ मत मात्र पाएका छन्। थापा र गुरुङबीचको मतान्तर ५० हजार ३७९ रहेको छ। यस्तै, नेकपा एमालेका उम्मेदवार वासुदेव घिमिरेले ८ हजार २७५ मत प्राप्त गरेका छन् भने राष्ट्रिय प्रजातन्त्र पार्टी ९राप्रपा० का उम्मेदवार गौरव बोहराले ७ हजार ७८९ मत पाएका छन् ।

रुपन्देहीको यो क्षेत्रमा रास्वपाका डा थापाले एमाले, कांग्रेस र राप्रपाका उम्मेदवारहरूले पाएको कुल मतभन्दा पनि दोब्बर बढी मत ल्याएर नयाँ रेकर्ड कायम गरेका छन्। मधेस र पहाडको संगम मानिने यस क्षेत्रमा ुघण्टीु को यो सुनामीले पुराना राजनीतिक शक्तिहरूलाई स्तब्ध बनाएको छ। अहिले भैरहवा र आसपासका क्षेत्रमा रास्वपाका समर्थकहरूले विशाल विजय जुलुस निकालिरहेका छन् ।

• शनि, २३ फागुन २०८२