सीमावर्ती क्षेत्रमा निर्वाचन सुरक्षा कडाइ : अवैध कारोबार नियन्त्रणमा वृद्धि

काठमाडौँ । आसन्न प्रतिनिधिसभा सदस्य निर्वाचनलाई मध्यनजर गर्दै रौतहटको सीमा नाकामा कडाइ गरिएको छ। निर्वाचनको मिति नजिकिदै गर्दा स्थानीय बासिन्दाका अनुसार, भारतीय भूमिबाट रौतहटतर्फ अवैध रूपमा हातहतियार, गोली, बारुद, पटका र लागुपदार्थको कारोबार बढ्न सक्ने सम्भावना रहेको हुँदा कडाइ गरिएको हो । जिल्लास्थित प्रहरी संयन्त्र थप सशक्त र गतिशील बनाइएको छ, जसको परिणामस्वरूप तस्करीमा संलग्न गिरोहहरूको गतिविधि न्यून भएको छ।

आगामी फागुन २१ गते हुने प्रतिनिधिसभा सदस्य निर्वाचनको शान्ति र सुव्यवस्था कायम राख्न र जनतालाई आफ्नो अधिकार प्रयोग गर्न सुनिश्चित गर्न, सुरक्षा संयन्त्रले कडा निगरानी राखेको छ । रौतहट प्रहरी प्रमुख सीताराम रिजालका अनुसार, कर छली र अवैध सामानको भित्र्याइमा कमी आएको छ। प्रहरीले अन्य सुरक्षा निकायसँग सहकार्य गर्दै यस अवस्थामा सुधार ल्याउन सफल भएको छ ।

इलाका प्रहरी कार्यालय सिम्रौनगढका प्रमुख कृष्णदेवप्रसाद साहले, सीमानाका क्षेत्रमा कडा सुरक्षा व्यवस्थाका कारण कर छली र अवैध कारोबार नियन्त्रणमा आएको जानकारी दिए । उनले भने, चोरबाटो हुँदै हुने गैरकानुनी कारोबारमा संलग्न व्यक्तिहरूलाई पक्राउ गर्ने दरमा वृद्धि भएको छ र चोरीतस्करीमा संलग्न गिरोह निष्क्रिय भएका छन् । साथै, सिम्रौनगढ प्रहरी कार्यालयले पछिल्लो तीन महिनामा ४ जना फरार प्रतिवादीलाई पक्राउ गरेको, १८ वटा मुद्दा दायर गरेको, ८० केजी गाँजासहित ४ जनालाई पक्राउ गरेको र ४६ हजार थान लागुऔषध हाइड्रोक्लोराइड बरामद गरेको जनाएको छ।

एक्सप्रेस

सम्बन्धित खबर

निर्वाचन स्वच्छ र भयरहित अनिवार्य सर्त, सुरक्षाकर्मीको मनोबल उच्च

काठमाडौँ । राष्ट्रिय मानव अधिकार आयोगका अध्यक्ष तपबहादुर मगरले लोकतन्त्रको स्थायित्वका लागि स्वच्छ, निष्पक्ष र भयरहित निर्वाचन अनिवार्य सर्त भएको बताएका छन् । बुधबार काठमाडौँमा आयोजित ‘लोकतन्त्रको स्थायित्वका लागि निर्वाचन र सरोकारवालाको भूमिका’ व...

जेनजी मुभमेन्ट नेपालद्वारा तत्कालीन प्रधानमन्त्री र गृहमन्त्री मात्र नभई सुरक्षा निकायका आरोपी व्यक्तिहरूलाई समेत पक्राउ गर्न माग

मिडियाबाजी डटकम काठमाडौँ ।जेन्जी आन्दोलनका क्रममा भएको दमनप्रति लक्षित गर्दै जेनजी मुभमेन्ट नेपालले तत्कालीन प्रधानमन्त्री र गृहमन्त्री मात्र नभई संलग्न सुरक्षा निकायका जिम्मेवार व्यक्तिहरूलाई समेत पक्राउ गरी कारबाही प्रक्रिया अगाडि बढाउन सरकारसँग...