देशभरका राजमार्गमा वर्षाको कहर : कान्तिलोकपथ खुल्यो, अरनिको र मेचीसहितका सडक अवरुद्ध

काठमाडौँ । मुलुकभर भइरहेको अविरल वर्षाका कारण देशका विभिन्न राजमार्गहरूमा पहिरो जाने, ढुङ्गा खस्ने तथा बाटो हिलो हुने समस्याले यातायात सेवा प्रभावित बनेको छ । नेपाल प्रहरीका अनुसार मकवानपुरको कान्तिलोकपथ भने पहिरो पन्छाएपछि आज बिहानदेखि पूर्ण रूपमा सञ्चालनमा आएको छ।

बुधबार साँझ मकवानपुरको बकैया गाउँपालिका ११ घट्टेपाखास्थित कान्तिलोकपथ सडकखण्डमा सडकमाथिबाट पहिरो खस्दा उक्त सडकखण्डमा यातायात पूर्ण रूपमा अवरुद्ध भएको थियो । वर्षायामको जोखिमलाई मध्यनजर गर्दै विभिन्न राजमार्गहरूमा रात्रि सेवामा प्रतिबन्ध समेत लगाइएको छ।