पद्मश्री साहित्य पुरस्कारको संक्षिप्त सूची सार्वजनिक, यी हुन् उत्कृष्ट ५ कृति !

काठमाडौँ । खेमलाल हरिकला लामिछाने समाज कल्याण प्रतिष्ठान, चितवनले यस वर्षको पद्मश्री साहित्य पुरस्कारका लागि उत्कृष्ट ५ कृतिको संक्षिप्त सूची सार्वजनिक गरेको छ । प्रतिष्ठानका अध्यक्ष जीवा लामिछानेले साउन १५ गते एक विज्ञप्ति जारी गर्दै पुरस्कार चयन प्रक्रियाको दोस्रो चरणमा पाँच वटा पुस्तक छनोट गरिएको जानकारी दिएका हुन् ।

निर्णायक मण्डलको सिफारिसबमोजिम पहिलो चरणको विस्तारित सूचीमा परेका १५ पुस्तकहरूमध्येबाट अन्तिम प्रतिस्पर्धाका लागि यी ५ कृतिहरू छानिएका हुन् । प्रतिष्ठानका अनुसार संक्षिप्त सूचीमा परेका पुस्तकहरूको नाम अकारादि वर्णानुक्रमका आधारमा सार्वजनिक गरिएको छ ।

सूचीमा क्षितिज समर्पणको तोरकिन, सीमा आभासको महायुग, डा नवराज केसीको स्वस्पर्श, श्रवण मुकारुङको सलह र नदीशको हिउँद पुस्तक अटाएका छन् । प्रतिष्ठानले हरेक वर्ष नेपाली साहित्यमा प्रकाशित उत्कृष्ट कृतिमध्येबाट एउटालाई पद्मश्री साहित्य पुरस्कार प्रदान गर्दै आएको छ। अब अन्तिम चरणमा यिनै ५ कृतिमध्येबाट सर्वोत्कृष्ट ठहरिएको एउटा पुस्तकले यस वर्षको पद्मश्री पुरस्कार प्राप्त गर्नेछ।

एक्सप्रेस

सम्बन्धित खबर

'मातृभाषा राष्ट्रिय कविता महोत्सव २०८२' सम्पन्न

प्राज्ञ चेतनाथ धमला

काठमाडौँ। नेपाल प्रज्ञा-प्रतिष्ठानले अन्तर्राष्ट्रिय मातृभाषा दिवस -२०२६को आयोजना गरेको थियोे। कार्यक्रमको सुरुमा काठमाडौँको कमलादी, घण्टाघर ,रत्नपार्क र दरबारमार्ग लगायतका स्थानको परिक्रमा विभिन्न जनजाति र मातृभाषा...

आज आदिकवि भानुभक्तको २१३औँ जन्मजयन्ती मनाइँदै

काठमाडौँ । आदिकवि भानुभक्त आचार्यको २१३औँ जन्मजयन्ती आज देश तथा विदेशमा विभिन्न कार्यक्रमको आयोजना गरी मनाइँदैछ । संस्कृत भाषामा लेखिएको अयोध्याका राजा रामको जीवनीलाई भावानुवादसहितको ‘रामायण’ प्रस्तुत गरेर भानुभक्तले नेपालीलाई ठूलो गुन लगाएका छन्...