काठमाण्डौँ । अमेरिकी राष्ट्रपति डोनाल्ड ट्रम्पले इरानसँगको युद्धविरामको म्याद थप गरेको केही घण्टामै होर्मुज जलमार्गमा तनावको नयाँ श्रृंखला सुरु भएको छ । युद्धविरामको घोषणालाई कूटनीतिक सफलताका रूपमा हेरिए पनि, व्यवहारमा भने इरानले उक्त जलमार्गमा व्यावसायिक जहाजहरूलाई लक्षित गरी आक्रमण र नियन्त्रणमा लिने कार्य गरेपछि क्षेत्रीय सुरक्षामा थप जटिलता उत्पन्न भएको छ ।

प्राप्त विवरणअनुसार, इरानको इस्लामिक रिभोल्युसनरी गार्ड कोर्प्सले बुधबार होर्मुज जलमार्गमा गुडिरहेका तीनवटा जहाजलाई लक्षित गर्दै आक्रमण गरेको थियो। सोही क्रममा दुईवटा जहाजहरूलाई नियन्त्रणमा लिई इरानी किनारतर्फ लगिएको छ ।