जनसांस्कृतिक महासङ्घ नेपालको संयोजकमा भीम कुमाखी चयन

काठमाडौँ । जनसांस्कृतिक महासङ्घ नेपालको ऐतिहासिक एकताको राष्ट्रिय सम्मेलनबाट सांस्कृतिककर्मी तथा कवि भीम कुमाखी संयोजक र अष्ट लामा सहसंयोजकमा चयन हुनुभएको छ । सम्मेलनले ५१ सदस्यीय कार्यालय टिम, सचिवालय, केन्द्रीय समिति तथा ४५ सदस्यीय प्राज्ञिक परामर्श समिति समेत गठन गरेको छ।

तीनकुनेस्थित मन्डला ब्याङ्कवेटमा सम्पन्न सम्मेलनको उद्घाटन प्रमुख अतिथि नेकपाका सहसंयोजक माधवकुमार नेपालले गर्नुभएको थियो। उहाँले कम्युनिस्ट आन्दोलन नयाँ उत्साहका साथ अघि बढ्दै देश र जनताको पक्षमा काम गर्ने विश्वास व्यक्त गर्दै नयाँ पुस्तालाई विचार र आन्दोलनसँग जोड्नुपर्नेमा जोड दिनुभयो।

कार्यक्रममा कला, साहित्य तथा संस्कृति विभागका सदस्य गङ्गानारायण श्रेष्ठ, महासङ्घका इन्चार्ज चिरन पुन, सहइन्चार्ज उदय श्रेष्ठ लगायतले प्रगतिशील सांस्कृतिक आन्दोलनलाई एकतामार्फत सशक्त बनाउनुपर्ने धारणा राख्नुभयो । नवनिर्वाचित संयोजक कुमाखीले लेखक, कलाकार र सांस्कृतिककर्मीहरूको एकतालाई बलियो बनाउँदै प्रगतिशील सांस्कृतिक आन्दोलनलाई नयाँ उचाइमा पुर्‍याउने प्रतिबद्धता व्यक्त गर्नुभयो।

सम्मेलनमा विभिन्न कलाकारहरूले गीत तथा कवितामार्फत सांस्कृतिक प्रस्तुति दिएका थिए । महासङ्घले कला, साहित्य र संस्कृतिमार्फत समाज रूपान्तरणको अभियानलाई थप प्रभावकारी बनाउने कार्यदिशा समेत तय गरेको जनाएको छ ।

एक्सप्रेस

सम्बन्धित खबर

प्रज्ञा-प्रतिष्ठानमा पुस्तकालयको महत्त्व र पठनसंस्कृति बारे विमर्श सम्पन्न !

काठमाडौँ । नेपाल प्रज्ञा–प्रतिष्ठान, कमलादीद्वारा नेपाल लाइब्रेरी फाउन्डेसन,नेपालसँगको सहकार्यमा आयोजित “पठन–संस्कृतिको विकासमा सामाजिक दायित्व” विषयक विचार–गोष्ठी तथा “शब्दचित्रमा नेपाल लाइब्रेरी फाउन्डेसन&rdqu...