जेनजी आन्दोलनमा प्रहरीको हत्यामा संलग्न थप एक जना पक्राउ

काठमाडौँ । प्रहरी वृत्त महाराजगन्जमा कार्यरत प्रहरी जवान उत्तम थापाको हत्यामा संलग्न रहेको आरोपमा प्रहरीले थप एक जनालाई पक्राउ गरेको छ । जिल्ला प्रहरी परिसर काठमाडौँको टोलीले २१ वर्षीय सोङ गुरुङलाई काठमाडौँको धुम्बाराहीबाट पक्राउ गरेको हो । उनी भदौ २४ गतेको जेनजी आन्दोलनका क्रममा भएको हिंसात्मक घटनामा संलग्न रहेको आरोपमा पक्राउ परेका हुन्। उक्त दिन आन्दोलनकर्मीहरूले महाराजगन्ज प्रहरी वृत्तमा आक्रमण गरी प्रहरी जवान उत्तम थापा र असई मिलन रायको हत्या गरेका थिए। साथै, प्रहरी कार्यालयमा आगजनीसमेत गरिएको थियो ।

यसअघि पनि प्रहरीले यस घटनामा जोडिएका अभियुक्तहरू युवराज क्यापछाकी र सोनाम तामाङ ९बुद्धिलाल ठिङ० लाई सोही पक्राउ गरिसकेको छ।
यस्तै, सोही आन्दोलनको क्रममा कोटेश्वरमा प्रहरी जवान अमृत गुरुङको पनि हत्या भएको थियो । पक्राउ परेकाहरूमाथि अनुसन्धान गरिरहेको प्रहरीले जनाएको छ।